يا أجمل روح
باشوف كل الأمل فيكى
منين ما باروح
باحس الحب بعنيكى
يا حب مالوش ولا نهاية
ساكنى فى كل تكوينى
وجودك فى الحياة آية
بتنصفنى وتحمينى
يا صافية القلب والنية
وتدعيلى فى كل صلاة
يا نهر عطاء وحنية
وبتشوفنى تدارى الآه
يا شايله الحمل طول عمرك
ولا تملى ولا تكلى
ولو جيتلك أقول أمرك
عطاء قلبك يكون ظلى
أقوم أضحك واقول يعنى
مفيش مره أنا اسمعلك
وكل ما فيكى بيساعنى
وبهمومى أنا شاغلك
وتتبسم برقة وزوق
وطيبة قلبها الصافى
تقول يا ابنى مسيرها تروق
وسيب حملك على اكتافى
وتفتح قلبها ليا
وتتحمل عشانى كتير
وجودها فى الحياة هدية
رضاها عنى كل الخير
بروحها الحلوه حواليا
باكون طاير فى وسط الطير
ورزقى فى الحياه هى
وتتفتح بيبان الخير
كلمات ..
عايدة جابر
قد يهمك أيضا:
التعليقات