فتافيت خراب
ليلى تهادن جسمها جمار
*******************
1
فتافيت خراب
حراب محراب
عسكر ملايكه
و
لوح إردواز
هش الجسد
كسر عيدان الحطاب
حطاب ولد ولد حطاب
دخل ف غيبوبتى
شاف الأميره غاب
…………….
…………….
2
من فرط ماحنت ضلوعها الشراقى
و
بانت ورده
أتجمعت لاقمار
نادت لكل قمر فوق الطريق ماشى
لكل من دخل الفلك
و
بلها بالحنين
خمرت
و
فاح الخمر شقشق ف الجسد
دخلت تجاويف السواقى
فناديت أنا : ياحى
يا باقى :
ليلى ف غنا السمار
ومجالس الحواديت
قعدة بتدعك جسمها الجمار
3
فراشة صبح
بكر
بتغزل الحواديت
مغزل أبويا الخشب
كسى عرايا الراس
ورد الهويه أنا
و
للعدا متراس
من فاس بتعزق في شراقى الروح
لحد لحد أنفتح يقبر طروح الحواس
من فكرك ياروح بليلى النور.؟
من فكرك ياروح بليلى الجسد؟
من شعلق الورده..؟
مابين
الأرض ….. و ……. السماوات؟
نكر المتون
و
الشروح
و
نادى للمطلق
معيار بلا معايير
بيغازل الأجناس
4
زعق الأدان
صحى ..عيدان
و
دهس ..عيدان
باتت عيونى بلا روعه
بتقرى ف التبيان
ورد الفجيعه
تكتبها ف الإردواز
تمحيها من عينى القزاز
ترقص ساعات
و تختفى في ساعات
وساعات تبان
5
أملى القراب
ندى صباب
عشاق صباب
تواشيح سكن
سكنت بناني .. الروح
وبانت ف الخطاب
طلعت معارجها ونادت:
ياليل
ياليلى
يابنت النار
قومى نهادن روعة الجمار
6
فارس عيدان البنت
و
هيه روعتى
تفرشلى تحت العرش
و
تلمنى ف الدار
أركب متون البدن
و
أغازل الهامش
فتنادى : ياقمرى
وفراشة الأغنيه
جنيه عرافه
زمن خرافه
حدوته من طمى الجسد
نبى عربيد
داخل ممالك روعته
مع صرخة العداويد
التربه طرحت جسد
عصفوره من أية المسد
فيا ورده خافى الحسد
و
أتطهرى بالنار
ببنت الروح
كما ليلى
تهادن جسمها الجمار
….. ………..
…………….
التعليقات