النقابة العامة لـ اتحاد الكتاب فرع المنيا تكرم المبدعين والمبدعات من طلبة كلية الزراعة جامعة المنيا ، في ليلة من ليالي الإبداع الجنوبية أقامتها النقابة الفرعية لاتحاد الكتاب بالمنيا وحضرها كوكبة من طلاب الجامعة المبدعين بكلية الزراعة جامعة المنيا وهم:
الشعراء والشاعرات مريم امين مصطفي ، أفنان محمود ، محمد يحي ، احمد ربيع، إسلام محمد، محمد السرحاني، من كلية الزراعة جامعة المنيا ومني خالد من جامعة الأزهر بأسوان.
أمسية اتحاد الكتاب فرع المنيا
وأقيمت أمسية شعرية لهم وتم تكريمهم بمنحهم شهادات تقدير من النقابة الفرعية وكانت قد نسقت للاحتفالية الأديبة والقاصة بنت المنيا وسكرتير عام النقابة بالمنيا قبل مرضها الكاتبة ابتسام الدمشاوي لأتها لم تحضر الاحتفالية نظرا لظروفها المرضية في العزل .
ونتمنى لها الشفاء العاجل ونطلب من الجميع الدعاء لها بتمام الصحة والعافية وشارك في التنسيق للاحتفالية السيناريست عماد النشار منسق النشاط الثقافي بالنقابة الفرعية بالمنيا.
وأدارها الشاعر جابر زهيري أمين الصندوق وفي نهاية الاحتفالية قام السيد نائب رئيس الفرع والقائم بعمل الرئيس الشاعر محمد عبد القوي حسن بتكريم الضيوف في أمسية لم تكن الأولي لكنها متجدد دوما من اجل رعاية الموهوبين وتقديم مبدعين جدد للساحة الأدبية بعرس الصعيد.
وننشر لكم بعض نماذج من قصائد طلاب الجامعة الذين تم تكريمهم بالاحتفالية .
نص للشاعرة مني ذكر جامعة الازهر _اسوان
امي وامك زمان
كان عصرهم مرحوم
كنت تلقي الحياء
علي وشهم مرسوم
خدمه ولادها وابوها بالدنيا
والصبر كان رزقهم
وبيرضوا بالمقسوم
لكن تشوف دلوقتي
ترجع تبات مهموم
بنات في كل مكان
والفكر بقا مسموم
معرض ملابس ومفتن
يقلب دماغ الصابر
يصبح وصبره نفذ
وماهو بات وحيد محروم
اخلاق كتيره وقعت
رجعت لعصر الزمان
الست اهي طلعت
وانهدت الاركان
بقينا نسمع بلاوي من العيال طفحت
فقلنا زاد حزننا
ونسينا طعم الامان
بقينا نسمع عجيب
عن الرحمه بالحيوان
ايمته بقا نفتكر
فيه رحمه بالانسان
وادم في الزمان ده
اصبح ياعيني عليه
الست طال حقها
وهو صبح غلبان
حقك تعود يا بطل
راجل كما العاده
وتلم بنتك ومراتك
اظن بزيارات
وتقول لها اختشي تقول خلاص حاضر
راجعه ياباه الصابر للدين باراده
نص للشاعرة افنان محمود كلية الزراعة جامعة المنيا
وليه بعدين وليه البعد بنفضل
وليه ف خصامنا متصالحين
لكن ف العند بنصمم
وكنا هناك كمان واقفين
ف نفس الركن والجانب
وبصينا قلوبنا لبعض لكن عينا تبص بعيد
كإن العمر كان لينا
واهو ي حبيبتى ودانا ف دنيا بعيد عن الدنيا
فى لحن غريب مبنحبوش
جنينة ورودها كان دابل
ودنيا ردودها كان قاتل
وعمر يعدى زى الطيف
وادينا وصلنا بعد الحب دا كله لحل مفيش
ومش راجعين
ومش لاقي ف عيونها حنين
بقول أصل ال بينا سنين
أكيد لازم دى منستنيش
واقول جايز تكون زعلت
يومين عارف وهلاقيها هترجعلي
ولو عدا عليا يومين انا هرجع
وجيتلك قولت أصلي حزين
ليه سبتينى
لقيت ايدك ف ايد واحد
وقولتيله أكيد تايه
وانا تايه ف أوهامى
لا قادر ابص قدامى ولا اتذكر الماضى
وجتلي رساله بتقولى متزعلش دا كله نصيب
وهزعل لى اكيد شبهك
عيونك عين تشوفها تقول دى متخونش واهم خاينين
وانا يا حبيبتى مخسرتش
اناا مش ببكى علشانك
كمان لو لسه فيا حنين هيكون على عشق مات وارتاح
ومش زعلان ع فراقك
منا الغلطان
عشان حبيت بكل الطاقه جوايا
طالبت بحق مش حقى وفاكر بكرة هنوفى
كسرتى الروح ومش ندمان ومش مجروح
ولا هعاتبك
منا اهبل ف سنة مراهقه مش دراى
واحد حيران لقى عيونك ف قولت ف ثانية دى حلالى
دا سن مراهقه بينلي بانى اعيل من المولود
سنين رايحه وسنين جايا ومش باقى غير انى اموت
منا الموعود باحزانى لكن حزنى دا أسانى وقوانى
ويوم ماتجيلي ندمانه ع حبي يوميها انسي
وأوعى تقولى دا أنانى
لا أنا ظلمتك ولا هحارب تانى عشانك
لا انا خدعتك ولا حتى هعود تانى
كفايا الجرح يا حبيبتى ومتحاوليش
ومتعانديش ولا تقولى انا الغلطان
منيش حيران ولا هعاتبك
خلاص شايفك ومش شايفك
ووالله منيش عايزك
وقلبي خلاص حنين واتدش
ما قولتى نعيش ف عشه بقش
ومش عايزة من الدنيا غير انت وعايزة فيها الستر
لكن هديتى بنيانى
كلامك فجأة اصبح غدر
كأنك نار وكلتى القش
وقصتنا رماد طاير
وف الدوشة بقت تتهش
انا مبقتش انفعلك
ولا حتى بقيت شايفك
ف يوم فرحي
اميرة ف عرش
وبكرة هلاقى أيامى
واقابل فرحة قدامى
اكيد لو فيكى حبة خير
لكنتى بقيتى ويايا
لكن دا نصيب
اكيد ربك شايلي الخير
واقابل واحدة تشبهنى
تكون شايفانى ولروحها دوا جروحها
وتقسم روحها وجروحها عشان تشاركنى ايامى
تكون جنبي ف وقت الفرح
تكون سندى ف احزانك
لقيت ليكى زى
لكن شبهى اكيد متشال
واملى ف ربي دايما حى
التعليقات