التخطي إلى المحتوى

قصيدة في مدح الرسول صلي الله عليه وسلم
قصيدة في مدح الرسول

قصيدة في مدح الرسول صلي الله عليه وسلم

شعر: محمد عبد القوي حسن

=-=-=-=-=-=

وانا كنت بغني واهيم

واعشق ف كلامه وادوب

واركب ف حصانه ياخدني لفوق بجناح

وكانه براق جبريل

فيغني الطير حوالية

ويميل الزرع الية

ويطاطي النخل ويرمي لقلبة الف سلام

ياسلام لو طاف ف حماك  سيدنا العدنان

ياسلام لو غنا رباك بصوت الديان

ياسلام لو عمر قلبك ربك بالقران

تلقي الاكوان كلها جنة رحمن

تلقي الانهار جاياك تهواك

تاخدك بامواجها ف حضن من الانوار

والنور والدفا والرضا وصلاة الزين

والحب الوفا والهدى  والوان رياحين

نياشين من عند المولي تطوف حواليك

تفانين الصفا واخلاص الدفا ونعيم بيهيم بالشفا ياخدك باحضان

فتسلم تاني تبوس اعتاب الكون الفاتح حضنة بنعمة من الديان

ملكوت وملايكة وقوت من طاعة وساعة صفا واخداك

وهيام وسلام

وكلام مش أي كلام يتقال

في الحضرة وصحبة من الاطهار

ولمه من الابكار ،

وهمة من الانوار ، وذمة من الاوتار،

اناشيد من الاشعار ،

اشعار من الازهار ،

رضوان ورضا ونعيم نعمان،

ونسيم وامان ،

وضياء بيتوزع ف الاركان .

والفجر يوزع روحة ف كل مكان

والبدر يقسم نفسه مابين وديان

والشجر الهايم دايم سالم في النسمات

والزرع علي الشطين

وبحار ماتقولش منين

ونسيم بيهيم ع الشط بيحضن فيه

فتلاقي روابي الارض بتحضن فيه

ومابين الحضن وحضن تنبت زرعة تهادي الكون بالقمحة

ياكلوا المساكين من خبزه صنعها الله

يشبعوا من نعمة رب رحيم

ولا عادوا يقولوا تاني الاة .

النيل والصبر طواة

الليل والبدر كساه

الفجر اهو جاي ينادي الكل

فكله يهيم وياه

رياحين الفل تطل تخلي الخل كنسمة طيف  بتشرف في الميادين تشريف .

صفحة الشاعر مؤلف “قصيدة في مدح الرسول”علي ويكيبيديا من هنا

 قد يهمك أيضا: سبب عودة الرسول من مرضعته إلى امه وكم كان عمره وقت عودته

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: