قصيدة عامية ” بعنوان ” ” فارس غرام ” شعر علي محي

فارس غرام
غاوي الرحيل
عاش حياته كأنها
حالة وكانت
يوم جفا
بحر الهوى
عداه بشوق
وقت اما كانوا
في يوم سوى
مع ماضي عاشه في الآلام
مع حلم
شاف فيه الخطر
رغم الضنا
قلبه الصبي باصص لفوق
وحبه كان مليان حنان
وغرام وشوق
ماشي في طريق
مكتوب عليه
راضي بنصيب
حكم القدر
أيام كتير
مر بمحن
وقت الشجن
كان له سكن
بحر الحنين
جواه رياح
والكون براح
لكنه في صراع الحياة
كان موجه هادي
على صفحة اليم الحزين
زي الدموع
الساكنة ف جوف من حجر
ماهو طير مهاجر
بس تاه
منه الطريق
أصبح أسير
جوا السما
ساكن في عش
من الهموم
فازاي يطير
طاوي الجناح
على شيء وكان
مالهوش أثر
بصت عليه الشمس
فانكسفت تبان
فردت غيوم على وشها
وناحت عليه
قالت دي عين
جات من حسود
وصابت القلب البرئ
لما نوى يوم
ع الفراق
حتى النجوم
ليلة ماشافت
دمعته
حزنت عليه
نزلت دموعها
بحور مطر
لكنها
نازله في بير
والبير غويط
زي المحيط
مسكين ياموج
تضرب شواطئ عمرنا
بسهم النظر
قلب الصبي
عمال يئن
والروح في قضبان الأسى
بالشوق تحن
تبكي على الزمن
اللي ولى
لما داق
الصبر مر
ماشي يقول
أيام تمر
عمال يغني
يقول سلام
على ذكريات
حب اتنسى
مافضلش منه
غير شعاع
باصص
على ضي القمر
بيقول
ياهووو
انسان برئ
الحب جواه كل شيء
واقع في ضيق
مين يلحقوه
طول السنين
قاعد بيحكي عن اللي كان
واللي حصل
واما وصل
فكر في شيء
يبقى له ف الرحلة دليل
يبقى طريق مرسوم لجيل
هيعيش حياة
فيها الأمان
فيها الوفا
فيها السلام
يملا المكان
فيها القلوب
زي الشموس
فيها الضيا
ومنها الدفا .
– – –
شعر :
بقلمي / على محيي
ALY mouhey
أبو وليد
بتاريخ 29/12/2024