الشعر ضلالى مصاحبنى من سن المدرسة ،
شعلة نار ، راس مدخنة ، لطشة جنون ،
يعمى عيون الصبح المسافرعلى ريق النوم ،
ويرجع لى آخر اليوم بحروفه المفصصه ،
كان بيخلينى أغمض عينى واطلع السلّم برجل واحدة ..
لما نخش السيما يسد ودانى عشان نركز فى الصوره ..
يكنس أوضتى ويسرب لى الجمال من تحت الباب ,,
تزيد علينا الصحبة ( بنات ، دواوين ، قزايز بيره ، هلاوس ،
كوبايات شاى مغلى ، حبة مزيكا وحبة أحزان وسجايرفرط )
صاحبى الشعراللى يجنن ده ..
مجرد حاله من غير شرط !!
اشرف عتريس
اشرف عتريس : في يوم الشعر العالمي يكتب
![اشرف عتريس : في يوم الشعر العالمي يكتب](https://cairo-times.com/wp-content/uploads/2023/03/ملاك-الحسيني-من-هي-1-800x600.jpg)
التعليقات